اسلام آباد: اینٹی نارکوٹکس فورس(اے این ایف) نے اسلام آباد انٹرنیشنل ائیرپورٹ پر دو مختلف کاروائیوں میں 22 کلو سے زائد ہیروئن برطانیہ اسمگل کرنے کی کوشش ناکام بنادی۔
ترجمان اے این ایف کا کہنا تھا کہ پہلی کارروائی میں برطانیہ جانے والے دستانوں کی شپ منٹ کی تلاشی کے دوران 20 کلو ہیروئن برآمد کی، برطانیہ جانے والی کارگو کراچی سے نجی کورئیر کمپنی سے بک کی تھی جبکہ ہیروئن کو مہارت سے دستانوں میں چھپایا گیا تھا۔
حکام کا کہنا ہے کہ دوسری کارروائی بھی اسلام آباد ائیرپورٹ کے کارگو سیکشن میں کی گئی، کارگو کے ذریعے کھیلوں میں استعمال ہونے والے دستانوں کو برطانیہ بھیجا جارہا تھا خفیہ اطلاع پر کارروائی میں 2 کلو سے زائد ہیروئن برآمد ہوئی۔
دونوں کارروائیوں میں کسی بھی ملزم کو گرفتار نہیں کیا جاسکا تاہم اے این ایف نے منشیات اسمگلنگ کے دو الگ مقدمات درج کرکے تحقیقات کا آغاز کردیا ہے۔
اے این ایف ترجمان کا کہنا ہے کہ دونوں کاروائیاں خفیہ اطلاع پر کارگو سیکشن میں کی گئی تھیں۔
The post اسلام آباد سے برطانیہ منشیات اسمگلنگ کی کوشش ناکام،کوئی گرفتاری نہ ہوسکی appeared first on ایکسپریس اردو.
from ایکسپریس اردو https://ift.tt/4DQmPSE
via IFTTT
No comments:
Post a Comment