مہنگائی کے عالمی بحران میں عوامی ریلیف کو اولین ترجیح دی ہے، وزیراعظم ایکسپریس اردو

 اسلام آباد: وزیراعظم عمران خان کا کہنا ہے کہ ترقی پذیر ممالک عالمی سطح پر بڑھتی ہوئی قیمتوں سے سب سے زیادہ متاثر ہو رہے ہیں، حکومت نے کرونا وبا کے دوران پیدا ہونے والے مہنگائی کے عالمی بحران میں عوامی ریلیف کو اولین ترجیح دی۔

ایکسپریس نیوز کے مطابق وزیراعظم عمران خان کی زیرِ صدارت ملکی اقتصادی صورت حال اور عالمی سطح پر اشیا ضروریہ کی بڑھتی ہوئی قیمتوں پر اعلیٰ سطح کا اجلاس ہوا جس میں عمران خان کے حالیہ دورہ روس اور دونوں ملکوں کے مابین تعلقات کے حوالے سے پیش رفت پر بھی تفصیلی گفتگو ہوئی۔

اجلاس میں وفاقی وزرا شوکت فیاض ترین، فواد چوہدری، اسد عمر، مخدوم خسرو بختیار، حماد اظہر اور معاونِ خصوصی ثانیہ نشتر نے شرکت کی۔

اس موقع پر وزیراعظم کا کہنا تھا کہ عالمی سطح پر بڑھتی ہوئی قیمتوں کے اثرات کو عام آدمی تک پہنچنے سے روکنا حکومت کی اولین ترجیحات میں شامل ہے، ترقی پذیر ممالک میں موجود عوام مہنگائی سے متاثر ہورہے ہیں۔

اجلاس کو ملکی مجموعی اقتصادی صورت حال  پر بریفنگ دی گئی اور یہ بھی بتایا گیا کہ حالیہ کشیدگی کی وجہ سے عالمی سطح پر تیل کی قیمتیں 100 ڈالر فی بیرل سے تجاوز کر چکی ہیں جبکہ  گیس کی قیمتوں میں بھی 3 سے 5 گُنا اضافہ ہوا ہے. اس کے ساتھ ساتھ اشیا خوردونوش بالخصوص پَام آئل (خوردنی تیل) کی قیمتوں میں بھی اضافہ ہوا۔

اجلاس میں وزیرِ اعظم کو احساس پروگرام  کی مختلف اسکیموں اور عوامی ریلیف کیلئے ان میں مزید بہتری کیلئے اقدامات سے بھی آگاہ کیا گیا۔

The post مہنگائی کے عالمی بحران میں عوامی ریلیف کو اولین ترجیح دی ہے، وزیراعظم appeared first on ایکسپریس اردو.

from ایکسپریس اردو https://ift.tt/aYZJXWT
via IFTTT