ممبئی: بالی ووڈ کے سادگی پسند اداکار نواز الدین صدیقی اپنے نئے گھر کا باتھ روم دیکھ کر حیران رہ گئے۔
بھارتی میڈیا رپورٹ کے مطابق نوازالدین صدیقی کا ممبئی میں گزشتہ تین برس سے بنگلا زیر تعمیر تھا، جس میں وہ حال ہی میں اہل خانہ سمیت منتقل ہوئے تھے۔
اداکار نے اس گھر کو اپنے نواب کا نام دیا ہے، اس بنگلے میں 7 کمرے جبکہ 2 بڑے ڈائننگ روم ہیں جبکہ اداکار نے کاشت کاری کا شوق پورا کرنے کے لیے پہلی منزل پر بھی گارڈن بنایا ہے۔
مزید پڑھیں: شاہ رخ کے بعد نواز الدین صدیقی نے بھی ممبئی میں اپنے خوابوں کا گھر بنالیا
اداکار کا کہنا ہے کہ انہوں نے اتنے بڑے گھر کا کبھی خواب بھی نہیں دیکھا تھا۔ انہوں نے کہا کہ میں تو اپنے بنگلے کا باتھ روم دیکھ کر حیران رہ گیا کیونکہ اس سے بڑا باتھ روم کبھی نہیں دیکھا۔ انہوں نے کہا کہ ’آج اتنا بڑا میرا ذاتی باتھ روم ہے جتنا کبھی گھر ہوا کرتا تھا‘۔
نوازالدین صدیقی کا شمار ان اداکاروں میں ہوتا ہے جنہوں نے بالی ووڈ میں طویل جدوجہد کے بعد پہچان حاصل کی اور اپنی انتھک محنت کی بدولت آج ایک چھوٹے سے شہر کے غیر معروف شخص سے بھارتی فلم انڈسٹری کے سپر اسٹار کا درجہ حاصل کیا۔
بالی ووڈ میں تقریباً دو دہائیوں تک اپنی اداکاری سے خود کو منوانے والے نواز الدین صدیقی نے بالآخر ممبئی میں اپنے خوابوں کا گھر بنایا۔
The post نوازالدین صدیقی اپنے نئے گھر کا بڑا باتھ روم دیکھ کر حیران appeared first on ایکسپریس اردو.
from ایکسپریس اردو https://ift.tt/4edkfGR
via IFTTT
No comments:
Post a Comment