کراچی: گورنر سندھ عمران اسماعیل نے کہا ہے کہ بانی ایم کیو ایم سمیت کسی بھی پاکستان مخالف شخص سے بات نہیں ہوسکتی۔
ایکسپریس نیوز کے مطابق گورنر ہاﺅس میں وزیراعظم عمران خان کے احساس پروگرام کے تحت ’کوئی بھوکا نہ سوئے‘ کی تقریب کا انعقاد کیا گیا، جس میں گورنر سندھ عمران اسماعیل نے پروگرام کے تحت 3 موبائل یونٹس کا افتتاح کیا۔ ان موبائل یونٹس سے غریب اور نادار افراد کو تین وقت کھانا فراہم کیاجائے گا۔
انہوں نے ایک سوال کا جواب دیتے ہوئے کہا کہ بانی ایم کیو ایم سے کوئی بات نہیں ہوسکتی۔ اپنی بات کو مزید واضح کرتے ہوئے گورنر سندھ نے کہا کہ جو شخص پاکستان کے وجود کے خلاف ہے اُس سے کوئی بات نہیں ہوسکتی۔
عمران اسماعیل نے پاکستان تحریک انصاف سے متعلق سوال پر جواب دیتے ہوئے کہا کہ جو شخص پارٹی کے ضابطۂ اخلاق کی خلاف ورزی کرے گا اُس کے خلاف کارروائی عمل میں لائی جائے گی۔
گورنر سندھ عمران اسماعیل نے میڈیا سے بات چیت کرتے ہوئے کہا کہ پاکستان میں پیٹرول کی قیمتوں کا بڑھنا، عالمی مارکیٹ میں آئل کی قیمت میں اضافہ کی وجہ سے ہے۔ انہوں نے کہا کہ جو ٹیکس کی صورت میں کم کیا جا سکتا تھا کیا ہے، حکومت کو یہ گوارا نہیں کہ مہنگائی بڑھائے۔
مزید پڑھیں: برطانوی عدالت نے بانی متحدہ کو دہشتگردی پر اکسانے کے الزامات سے بری کردیا
’کوئی بھوکا نہ سوئے‘ پروگرام سے متعلق گفتگو کرتے ہوئے عمران اسماعیل نے بتایا کہ پاکستان بیت المال کے تعاون سے خریدے گئے موبائل یونٹس میں سے 3 کراچی جبکہ باقی حیدرآباد ،سکھر اور لاڑکانہ روانہ کیے جائیں گے، کل بروز جمعرات سے ان ٹرکس کا باقاعدہ آغاز ہو جائے گا۔
انہوں نے کہا کہ ہماری کوشش ہے کہ ہم پورے ملک میں اس دائرے کو وسیع کریں تاکہ اچھا اور معیاری کھانا غریبوں تک پہنچے، مختلف ویلفیئر ٹرسٹ اس پروگرام میں بھرپور تعاون کررہے ہیں۔
تقریب سے خطاب کرتے ہوئے ایم ڈی پاکستان بیت المال ملک ظہیر عباس کھوکھر نے گورنر سندھ عمران اسماعیل کا شکریہ ادا کیا اور کہا کہ ہم وزیر اعظم عمران خان کے وژن کے مطابق کام کر رہے ہیں کیونکہ عمران خان غریبوں کا درد رکھتے ہیں۔ انہوں نے سیلانی اور عالمگیر ویلفیر ٹرسٹ کا بھی شکریہ ادا کیا۔ قبل ازیں ایم ڈ ی پاکستان بیت المال اور عالمگیر ویلفیر ٹرسٹ کے مابین موبائل یونٹس آپریشن کے حوالہ سے ایک یادداشت پر دستخط بھی کیے۔
The post بانی ایم کیو ایم سے کوئی بات نہیں ہوسکتی، گورنر سندھ appeared first on ایکسپریس اردو.
from ایکسپریس اردو https://ift.tt/o9LzFZf
via IFTTT
No comments:
Post a Comment